O Festival

Benvidos á segunda edición do festival Porta Máxica de Ferrol, un evento organizado polo Concello de Ferrol que traerá á nosa cidade, por segundo ano consecutivo, a algúns dos mellores ilusionistas nacionais e internacionais.

Durante o 2, 3 e 4 de xaneiro, a ilusión vai invadir Ferrol en forma de diferentes actividades: obradoiros, nos que os máis pequenos poderán aprender a facer maxia, actuacións no Complexo Hospitalario Universitario, na Residencia de Maiores e, por suposto, no Teatro Jofre, que será o anfitrión das galas de maxia.

O Concello de Ferrol fará aparecer a todo tipo de magos para a ocasión: cómicos e elegantes, maiores e novos, clásicos e innovadores, así como artistas doutros países e da nosa propia terra.

Estes profesionais da maxia atravesarán a Porta Máxica, e chegarán a Ferrol para traer toda a súa ilusión.

Programa

Obradoiros

Queres ser maga/o? Dende a organización de Porta Máxica decidimos crear un espazo para que as nenas e nenos de Ferrol poidan aprender algúns efectos e convertirse en aprendices de ilusionista.

Hai prazas limitadas, 20 para cada obradoiro, para pequenas/os de entre 6 e 12 anos, e serán repartidas por rigurosa orde de inscripción. A duración dos obradoiros é de unha hora. Non quedes sen o teu sitio!

A inscrición poderá levarse a cabo no rexistro do Concello de Ferrol do día 21 de decembro ata o día 26 de decembro.

Artistas